ياك قلتها لك يا جاري...
ليلى البصري
ياك قلت لك غادي تحصل
جاتك النوبة يا جاري
بين ركابيك راسك وحل
فكو اذا نعرفك داري
علاش بغيتِ لجارك الذل
خططتِ و طمعتِ فداري
نويتي تصوم و صبحتِ واكل…
ياك تسحرتي مع الدراري…
تحسد ميت الجمعة فالمحمل
و تتمنى لو… قبرو هاري
بعدا الحسد معروف بالعدْل
كيبدا بمولاه و يخليه عاري
و جاري إذا من حقدو هبل
عذروه مسكين راه جاري
شْفّني حالو ملي راسو وحل
ما جات غير فدوك الدراري
بين جور و جهل حالهم نحل
من يوم خربها الهواري
الله يعينهم و يلقاو الحل
و يسترو عيبهم العاري
.
|
|
|
التعاليق