مليون إكليل...!!
101973
كون تعرف شحال نعزك
تمسح دمعتي بمــنديل
ضرير ومن بين المليون نفرزك .
.
.
الحياة بلا بيك تبهديل
شركنا الكلام، والسلام، وحرام نفشي سرك
غربلتي، وما طحت ليك بالتغربيل .
.
ماكنت نعرف عيبي ضرك
روعة، وطيبة مامحتاجة للتعليل .
.
.
شكون أنا، باش نحــرمك
وأنت وردة، و ورود ومليون إكليــل !!
لكن ربي سبحانو لي كرمك
بالحجة والبرهان والدليـــل
الليل ونجومو في قصارتو شركك
لكن، هو يعرفني كنت عليـــــل
والذنب ما هو ذنبي ماهو ذنبــك
ضعفي، صبري قليل
شركتيني في همي، وقصرت في همك !
لكن والله حتى حملي ثقيــــل
مانبغيك تنعتيني شمتك
أنا الصديق والرفيق في السبيل
الحقد والخصام ماشي من سهمك
حريفاتك والكتاب هو الخليل
أسرار مغربية وزينت السمية .
.
.
نفهمك
وكريمة،وتدلاوية وأصلك سليــــل.
|
|
|
التعاليق