afterheader desktop

afterheader desktop

after Header Mobile

after Header Mobile

شي فشي وجمع كولشي

108684

شي فشي وجمع كولشي وراك معشي

شي فشي وجمع كولشي وكرامتك تمشي

فرانك جمرو طافي وخا تبقاي فيه تنشي

طلعي تنزلي تبكي ضحكي وحتى تكمشي

المفيد سولي  ومن بعد حشمي ولا كاع لا تحشمي

أنا سرك عندي وخا عارفك فسري تفشي

ما نهديك كلمة مانسمعك نغمة كون تستاهلي بعيوني ترمشي

ونقابلك من الصباح لصباح مانخليك تعمشي

عنايتي فراسي وثقتي فروحي وخا فسحورك ترشي

وخا يكون فقيهك من الهند ولا السند ولا حبشي

ما نقرب منك ما تعزازي ما يزيد يكبار وحشي

نبعد ونزيد نبعد نهرب والله حتا نهرب ونهز قشي

عشرتك زلزال.
مانحكمك وفصحتي ترشي

مابغيت  زرود ما نلعب بقرود، بالخبز والما نرضي كرشي

ثقال و وزن راه العود عود ماهو فرشي

شي فشي وجمع كولشي وراك معشي

شي فشي وجمع كولشي وكرامتك تمشي

أنا  وراسي نخممو و نيشو مزيان، مالازم بيدك فجيوبنا تحشي

الحروف  بارزة والخطوط عريضة وانت عام على عام بمدادك تحنشي

الناس تبغي، وقليل لي يكوي عفاك !! نصيحة غير تكمشي

كل زمان ورجالو وكل قمح وكيالو هادشي علاش ماينفعك شي فشي

ولا جمع كولشي راه مابغينا نبيعو روسنا وكرامتنا تمشي.

فرانك جمرو طافي وخا تبقاي فيه تنشي

طلعي تنزلي تبكي ضحكي وحتى تكمشي

تعليقات الزوار
جاري تحميل التعاليق...

شاهد أيضا

يستخدم هذا الموقع ملفات تعريف الارتباط لتحسين تجربتك. سنفترض أنك موافق على هذا ، ولكن يمكنك إلغاء الاشتراك إذا كنت ترغب في ذلك. موافق المزيد