خاليد جموحي يكتب: ...حجارك يشدوك...!!
97703

حجارك يشدوك

وخا نكون صاحبك ولا عدوك

فكرتيني ففعالك

وأنانيتك وكولشي ديالك

.
.
.
لغميــــــــــــــق .
.
.

وكلام ما يليق .
.
.

على ودك نبدل الطريق .
.
.

نتهنا من الكذوب والتبوزيق .
.
.

المعقول لو ناسو

والثقة كلا ومقاسو

والفالح مايتشمت.
.
.
وخا فنعاسو

ومالازم يحط عساسو

نلاقي حروفي ونفهم

وبالخاوي مانهتم

وفمستقبلي ندمر ونبصم

مانبرول مانتكلم ماندم

حجارك يشدوك

وخا نكون صاحبك ولا عدوك

الدرس مايعلمك

والفلس يهمك

وخايبة السمية من دمك

والزمان يردمك مايلمك

جود بفعالك ورتاح

كول لعنب والتفاح

وعيش مع الناس الملاح

راه ما تخاف من الكلب النباح

ساوي وتارك

ما تبقى فميزانو عارك

وفك الحجاية وماتعطي حمارك

وعرف شكون دخل لدارك

حجارك يشدوك

وخا نكون صاحبك ولا عدوك

بزطامي فجيبــــــــــي.
.
.

.
.
.
وجهي وحبيبــــي.
.
.

دوايا وطبيبـــــــــــــــــــي .
.
.

الغاشي فالسوق .
.
.

والأصوات تتعلا فالبوق

أعصاب وحناجر مجبدة العروق.
.
.

يرغموك تشري وضروري ذوق

الراجل .
.
.
كلمة

والزواج .
.
.
نعمة

والحب .
.
.
نغمة

والحياة .
.
.
حلمة

علاش تسابق الريح !!؟

ماشي ديما تلقى المليح

العيشة تزيان بالزين والقبيح

وفرحات كل من في يدو تسبيح

من الكلام كلام وكلام

ومن السلام سلام وسلام

لكن الأفعال مدونة باقلام

والسربة ماتبورد بلا علام

عفاك !!! شد حجارك

وبقى فدارك .
.
.

وتعز ويكبر مقدارك .
.
.

ونقولك حبيبي: ماتغدر جارك .
.
.
!!

شاهد أيضا :

التعاليق

لاتفوتك :

القائمة البريدية

استطلاعات الرأي

تابعنا بالشبكات الإجتماعية